കാഞ്ഞങ്ങാട് : മാധ്യമങ്ങള്‍ തിരഞ്ഞെടുപ്പ് കാലങ്ങളില്‍ വാര്‍ത്താപേജുകള്‍ പണം വാങ്ങി ചെയ്ത പെയ്ഡ് ന്യൂസിനെ കുറിച്ച് ആദ്യമായി അന്വേഷിക്കണമെന്ന് സര്‍ക്കാറിനോട് ആവശ്യപ്പെട്ട സംഘടന ഇന്ത്യന്‍ജേര്‍ണലിസ്റ്റ് യൂണിയനാണെന്ന് യൂണിയന്‍ അഖിലേന്ത്യാസെക്രട്ടറിയും കേരളഘടകം പ്രസിഡണ്ടും പ്രസ്സ് കൗണ്‍സില്‍ മെമ്പറുമായ ജി പ്രഭാകരന്‍ പറഞ്ഞു. കേരളജേര്‍ണലിസ്റ്റ് യൂണിയന്‍ കാസര്‍ഗോഡ് ജില്ല സമ്മേളനം കാഞ്ഞങ്ങാട് ഉല്‍ഘാടനം ചെയ്ത് സംസാരിക്കുകയായിരുന്നു അദ്ദേഹം. ജില്ല പ്രസിഡണ്ട് മാനുവല്‍ കുറിച്ചിത്താനം അദ്ധ്യക്ഷത വഹിച്ചു. പ്രാദേശിക പത്രപ്രവര്‍ത്തകര്‍ക്ക് സര്‍ക്കാര്‍ കഴിഞ്ഞ ബജറ്റില്‍ പ്രഖ്യാപിച്ച ക്ഷേമനിധിയും പെന്‍ഷന്‍ നടപടി ക്രമങ്ങള്‍ ഉടന്‍ പൂര്‍ത്തീകരിച്ച് യാഥാര്‍ത്ഥ്യമാക്കണമെന്ന് കേരളജേര്‍ണലിസ്റ്റ് യൂണിയന്‍ കാസര്‍ഗോഡ് ജില്ല കണ്‍വെന്‍ഷന്‍ പ്രമേയത്തിലൂടെ സര്‍ക്കാറിനോട് ആവശ്യപ്പെട്ടു. യൂണിയന്‍ സംസ്ഥാന സെക്രട്ടറി സുഗതന്‍ ,അബ്ദുറഹ്മാന്‍ , പാക്കം മാധവന്‍ , സി കെ നാസര്‍ , തുടങ്ങിയവര്‍ സംസാരിച്ചു. എന്‍ ഗംഗാധരന്‍ സ്വാഗതവും ടി കെ പ്രഭാകരന്‍ നന്ദിയും പറഞ്ഞു. പുതിയ ഭാരവാഹികളായി മാനുവല്‍ കുറിച്ചിത്താനം (പ്രസിഡണ്ട ്) പാക്കം മാധവന്‍ (വൈസ് പ്രസിഡണ്ട് ) എന്‍ ഗംഗാധരന്‍ ബല്ല (സെക്രട്ടറി ) ഉറുമീസ് തൃക്കരിപ്പൂര്‍ (ജോയിന്റ് സെക്രട്ടറി ) സി കെ നാസര്‍ ഒടയംചാല്‍ ( ട്രഷറര്‍ )
No comments:
Post a Comment